Marat Qarabaev elimizge keletin besinshi áýe kompanııasy týraly aıtty

Elimizde áýe qatynasyn jańa kompanııamen tolyqtyrý jaǵy qarastyrylyp jatyr, dep habarlaıdy Kazinform.

«Jalpy Qazaq Air kompanııasyn satamyz degen oı bar. Biz birneshe kompanııaǵa usyndyq. Onyń ishinde sońǵy ret barǵanda Vetnamda «Sovico» degen áýe kompanııasy bar. Atalǵan áýe kompanııasymen jumys istep jatyrmyz. Olar bizdiń ishki naryqty zerttep jatyr. «Vıdjet» degen kompanııa bar. Ol elimizde ushyp júr. Ol – loýkoster. Olardyń ushaqtary óte kóp. Sony da tartamyz degen oı bar. Biraq másele qazir sheshiledi degen sóz emes. Ony aldyn ala aıtýǵa erte», - dedi Kólik mınıstri Marat Qarabaev Májilis otyrysynan keıin BAQ ókilderiniń saýalyna jaýap bere turyp.

Buǵan deıin Májilis otyrysynda depýtat Aıdos Sarym loýkoster bıletteriniń baǵasy jyldan-jylǵa ósip jatqanyn aıtyp, máseleni sheshý kerektigin usynǵan edi.