Marat Qarabaev: Astana LRT-ge bólinetin 50 mlrd teńge sáýirde ákimdikke aýdarylady
Bul jaıynda Indýstrııa jáne ınfraqurylymdyq damý mınıstri Marat Qarabaev Úkimet otyrysynan keıin BAQ ókilderine bergen suhbatynda aıtty.
«Astana LRT qurylysy aıaǵyna jetedi. Qajetti qarajat ta qarastyrylǵan. Qatelespesem, bıyl biz joba operatory retinde 50 mlrd teńge bólemiz. Bul máseleni ákimdikpen birge talqyladyq. Birinshi kezekte qurylys áýejaı jaǵynan bastalady. Búgin tańerteń respýblıkalyq bıýdjet komıssııasynyń otyrysy boldy. Sonda tıisti qarjyny bólý máselesin qarastyrdyq. Qarajattyń bir bóligi vagon satyp alý operatsııasyna avans tóleýge jumsalady», - dedi ol.
Mınıstrdiń aıtýynsha, sáýir aıynyń basynda tıisti qarajat ákimdikke aýdarylady degen jospar bar.
«Qarajat bólý máselesi búgin ǵana respýblıkalyq bıýdjet komıssııasynda qaraldy. Odan keıin Parlamentte qaralyp, sodan keıin qol qoıylady. Meniń paıymymsha, qazir aqpan aıy desek, sáýir aıynyń basynda qarjyny ákimdikke beretin shyǵarmyz», - dedi vedomstvo basshysy.
