Marat Bısenǵalıev mereıtoılyq shyǵarmashylyq keshin ótkizedi
ASTANA. 23 qarasha. QazAqparat - 7 jeltoqsanda «Qazaqstan» OKZ-da Marat Bısenǵalıevtiń mereıtoılyq shyǵarmashylyq keshi ótedi.
Elordanyń resmı saıtynyń jazýynsha, shyǵarmashylyq kesh baǵdarlamasynda Marat Bısenǵalıevtiń Qazaqstannyń sheteldegi ımıdjin qalyptasyrýǵa sińirgen eńbegi - Eýropa men Amerıkanyń eń úzdik zaldarynda oryndalǵan týyndylary jurtshylyq nazaryna usynylmaq.
Marat Bısenǵalıevtiń taıaýdaǵy jospary - elordalyq kórermender aldynda Eýropaǵa sapar kontserti kelisimsharty men «Doıche Grammafon» úshin jazbasy bar jańadan qurylǵan Almaty Sımfonııalyq orkestriniń tusaýyn kesý.
Marat Bısenǵalıev -qazaqstandyq asqan sheber skrıpkashy jáne tanymal dırıjer, QR Eńbek sińirgen qaıratkeri, Bırmıngem konservatorııasynyń professory.
Ol 1980 jyly Qurmanǵazy atyndaǵy Almaty memlekettik konservatorııasynda, munan soń P. I. Chaıkovskıı atyndaǵy Máskeý memlekettik konservatorııasynda oqydy. Kóptegen halyqaralyq konkýrstardyń laýreaty. 1990 jyldary Anglııada turdy. Osy ýaqyttan bastap, belsendi kontsert berýmen aınalysty. 1996 jyly Nıý-Iorktiń Barbıkan Holynda Anglııanyń kameralyq orkestrimen bergen kontserti onyń halyqaralyq skrıpka juldyzy retinde qalyptasýyndaǵy sheshýshi kezeń boldy. Onyń sheteldik gastrolderiniń aýqymy keń.
