Marat Bısenǵalıev Beıjińde kontsert berdi
BEIJІŃ. 17 qańtar. QazAqparat /Rýslan Súleımenov/ - Jeksenbi kúni Beıjińde Shveıtsarııanyń Credit Suisse bankiniń uıymdastyrýymen tanymal skrıpkashy Marat Bısenǵalıevtiń kontserti boldy.
Uıymdastyrýshylardyń habarlaýynsha, bul qoıylym Credit Suisse bankiniń «qytaıdyń tyńdarmandaryn klassıkamen jaqyn tanystyrý» maqsatynda, tanymal álem juldyzdaryn shaqyryp, turaqty uıymdastyryp otyratyn kontsertterdiń biri.
Marat Bısenǵalıevtiń aıtýynsha, ol Aspanasty eliniń astanasyna alǵash ret kelip otyr. «Buǵan deıin men Máskeý sımfonııalyq orkestrimen Gonkongta, al byltyr Shanhaı qalasynda bolǵanmyn. Endi Qytaı men onyń elordasy - Beıjiń men jıi at basyn tireıtin núkte bolady, sebebi Azııalyq-Tynyq muhıt óńiriniń Orkestrler alıansynyń prezıdenti Go Shan hanym (Alıanstyń shtab-páteri Beıjińde ornalasqan) meni Alıanstyń Dırektorlar keńesine múshe etip tańdady. Osyǵan baılanysty men dırektorlar keńesiniń múshesi, oryndaýshy jáne dırıjer retinde kóp josparlarymdy Qytaımen baılanystyryp otyrmyn», - dep habarlady Marat Bısenǵalıev.
Mýzykant sondaı-aq 4 aqpanda Almatyda Azıada oıyndarynyń aıasynda kontsert beretinin aıtty.
Marat Bısenǵalıev - skrıpkashy jáne dırıjer. 1962 jyly Almatyda týǵan. P.Chaıkovskıı atyndaǵy Máskeý memlekettik konservatorııasyn támamdaǵan. Kóptegen halyqaralyq konkýrstardyń laýreaty. 2003 jyly Batys Qazaqstan fılarmonııalyq orkestrin quryp, oǵan jetekshilik etken. 2006 jyldan beri ol Mýmbaıda Úndi sımfonııalyq orkestriniń dırektory bolyp jumys isteıdi.
