Marat Beketaevtyń isi: Ádilet mınıstrliginiń eki qyzmetkeri kýáger retinde shaqyrtyldy

ASTANA. KAZINFORM — QR Ádilet mınıstri Erlan Sársembaev burynǵy mınıstr Marat Beketaevtyń isine qatysty vedomstvodan eki adam kýáger retinde jaýap bergenin aıtty.

Búgin Parlament Májilisindegi baspasóz máslıhatynda tilshiler eks-mınıstr M.Beketaevtyń isin qaraý aıasynda Ádilet mınıstrliginen kimder jaýap berýge shaqyrtylǵanyn surady.

E. Sársembaev bul is sottyń qaraýynda ekenin eske saldy.

- Mınıstrliktiń eki qyzmetkeri kýáger retinde shaqyrtylǵanyn bilemin. Atap aıtqanda, dál qazir Ádilet mınıstrliginde qyzmet etip júrgen adamdardyń eshqaısysy osy iste kúdikti retinde jaýap berip jatqan joq, - dep naqtylady Erlan Sársembaev.

Eske sala keteıik, burynǵy Ádilet mınıstri Marat Beketaev 2023 jyly qazanda laýazymdyq ókilettigin asyra paıdalandy degen kúdikpen ustaldy.

Antıkordyń málimetinshe, ol talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanııanyń múddesin qoldaǵan.

Eks-sheneýnikti qamaýda ustaý merzimi birneshe ret uzartyldy.

Bıyl naýryz aıynda burynǵy Ádilet mınıstri Marat Beketaevtyń isi sotqa túskeni málim boldy.