Marat Beketaev sheteldik dıplomattarǵa Qazaqstandaǵy quqyqtyq reformalar týraly aıtty
2021 jylǵy 14 mamyrda Ádilet mınıstri Marat Beketaev Qazaqstan Respýblıkasynda tirkelgen elshilik korpýs ókilderimen brıfıng ótkizdi.
Marat Beketaev Qazaqstan Respýblıkasynyń Prezıdenti Qasym-Jomart Toqaevtyń bastamasymen elimizde Ádilet mınıstrligi júrgizip jatqan quqyqtyq reformalar týraly aıtty.
Vedomstvo basshysy is-sharaǵa qatysýshylarǵa jańa Ákimshilik rásimdik-protsestik kodeksti tanystyrdy, normashyǵarmashylyq qyzmetti jetildirý, zańgerlik kásipti retteý týraly aıtyp, elshilik korpýs ókilderiniń suraqtaryna jaýap berdi.
Іs-sharaǵa qatysýshylar kezdesý ótkizilgen KAZPATENT saraptama uıymynyń jumysymen tanysty.
Shet memleketterdiń elshileri Qazaqstandaǵy ádilet júıesi men patenttik qyzmettiń ózekti damýy týraly tolyq aqparat alýǵa múmkindik bergeni úshin rızashylyqtaryn bildirdi.
Kezdesý syndarly jáne iskerlik jaǵdaıda ótti.
Atalǵan is-shara Memleket basshysynyń bastamasymen Qazaqstandaǵy elshilik korpýs ókilderi úshin olardy elimizdegi saıası jáne áleýmettik-ekonomıkalyq reformalardy iske asyrý barysymen tanystyrý maqsatynda memlekettik organdar josparlaǵan brıfıngter serııasynyń alǵashqysy bolǵandyǵyn atap ótemiz.
