Marat Beketaev otstavkaǵa ketýin talap etkenderge jaýap berdi

NUR-SULTAN. QazAqparat – QR Ádilet mınıstri Marat Beketaev ózin laýazymdy qyzmetinen otstavkaǵa ketýin talap etip, petıtsııa ázirlegenderge jaýap berdi, dep habarlaıdy QazAqparat tilshisi.

«Shynymen de petıtsııa mátinimen tanysyp shyqtym jáne osyǵan qatysty mynany aıtqym keledi. «Ákimshilik protsedýralar týraly» zańǵa sáıkes, bul petıtsııa úndeý sanalady jáne atalǵan Zań boıynsha laýazymdy tulǵanyń belgili bir is-áreketin daýlaıtyn úndeý sol laýazymdy tulǵanyń ózine baǵyttalmaýy tıis. Sonymen qatar Zań is-áreketi qandaı da bir túrde daýlanatyn laýazymdy tulǵaǵa úndeýdiń qaralý protsesine kedergi keltirýge umtylýǵa, onyń ishinde mundaı úndeýdiń mazmunyna jarııa túrde pikir bildirýge tyıym salady. Basqasha aıtar bolsaq, «Ákimshilik protsedýralar týraly» zań maǵan atalǵan petıtsııa mazmunyna pikir bildirýge tyıym salady. Otstavkaǵa ótinish bereıin dep otyrǵanym joq», - dedi Marat Beketaev Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.

Buǵan deıin BAQ-ta bastamashy toptyń Ádilet mınıstri Marat Beketaevty otstavkaǵa jiberýin talap etken pedıtsııa qol jınap jatqany habarlanǵan bolatyn.