Marat Beketaev qurylǵan «Áleýmettik qordyń» negizgi mindetin túsindirdi

NUR-SULTAN. QazAqparat – Ádilet mınıstri Marat Beketaev qurylǵan «Áleýmettik qordyń» negizgi mindetin aıtty, dep habarlaıdy QazAqparat tilshisi.

«Jeke sot oryndaýshylarynyń respýblıkalyq palatasy negizinde «Áleýmettik qor» quryldy. Ol atqarýshylyq is júrgizý taraptary bolyp tabylatyn jáne áleýmettik ári qarjylyq jaǵdaıy qıyn azamattarǵa kómek kórsetetin bolady», - dedi mınıstr onlaın rejımde halyq aldynda esep berý barysynda.

Onyń sózine qaraǵanda, qordyń bıýdjeti jeke sot oryndaýshylardyń múshelik jarnalary jáne erikti qaıyrymdylyqtar esebinen qalyptastyrylady.

«Qordyń qyzmetine baqylaýdy Palatanyń Kamqorshylyq keńesi júzege asyrady», - dedi M. Beketaev.