Marat Beketaev: Biz bankterdi nesıe tóleý ýaqytyn keıinge shegerýge mindetteı almaımyz
«Halyqtyń ekinshi deńgeıli bankterden alǵan nesıesin TJ kezinde keıinge shegerý týraly ótinim bergeni belgili. Bul rette bankterdiń osy kezeńde paıyzdy qosyp tastaǵanyn aıtyp, shaǵymmen júgingen azamattar boldy ma?» - degen suraq qoıyldy Marat Beketaevqa OKQ-da ótken baspasóz máslıhatynda.
Bul suraqqa jaýap bergen mınıstr Ádilet mınıstrligine mundaı shaǵym kóp túskenin aıtty.
«Biz bankterdi nesıe qaryzyn keıinge shegerýge mindetteı almaımyz. Ádilet mınıstrligi bul rette azamattarǵa qandaı kómek kórsete alady? Ne isteldi? Mundaı ister aınalyp kelip jeke sot oryndaýshylardyń qaraýyna túsedi. Karantınniń basynda biz jeke sot oryndaýshylarǵa shottardy bloktaýǵa qatysty qatań shara qabyldamaý kerektigin eskerttik. Sebebi adamdar saýdany onlaın rejımde júrgize alýy kerek. Sonymen birge, jeke sot oryndaýshylar syrtqa shyǵarýǵa tyıym salý, qozǵalysyn shekteý sekildi agressıvti sharalardy qabyldaǵan joq. Tárkilengen múlik boıynsha júrgizilgen aýktsıondar da toqtatyldy. Jalpy jeke sot oryndaýshylar áleýmettik jaýapkershilik tanytyp, qatań sharalardy iske asyrǵan joq», - dedi Marat Beketaev.
