Marat Báshimov: Reformanyń basty mindeti – azamattardyń konstıtýtsııalyq quqyǵyn shynaıy qorǵaýdy qamtamasyz etý
ASTANA. KAZINFORM — Reformanyń basty mindeti – azamattardyń konstıtýtsııalyq quqyǵy shynaıy qorǵaýdy qamtamasyz etý. Bul týraly Konstıtýtsııalyq reforma jónindegi komıssııanyń birinshi otyrysynda Májilis depýtaty Marat Báshimov aıtty.
Onyń aıtýynsha, qazirgi álemdik tártip barǵan saıyn turaqsyz ári boljap bolmaıtyn sıpat alyp barady. Al halyqaralyq quqyq normalarynyń álsireýi memlekettiń berik ishki irgetasynyń mańyzyn aıqyndaı túsedi. Osyǵan baılanysty konstıtýtsııalyq turaqtylyqty qamtamasyz etýge baǵyttalǵan sharalar aıryqsha mánge ıe bolýda.
Marat Báshimovtiń paıymynsha, negizgi usynystardyń biri — bir palataly Parlamentke kóshý. Ol bul qadam joǵary ókildi organnyń jumys tıimdiligin arttyratynyn atap ótti. Saılaýlardy proportsıonaldy júıe boıynsha ótkizý josparlanyp otyr. Bul rette partııalardy sheteldik qurylymdar men sheteldik qatysýy bar kompanııalardyń qarjylandyrýyna tyıym salynatyn bolady.
— 2026 jylǵy konstıtýtsııalyq reforma adamǵa baǵdarlanǵan saıasat baǵytyn jalǵastyrady, munda memlekettik saıasattyń ózeginde naqty adam, onyń quqyqtary, bostandyqtary men qadir-qasıeti turady. Quqyqtar men bostandyqtar adamǵa týǵan sátinen tıesili jáne memleket tarapynan syıǵa berilmeıdi. Reformanyń basty mindeti — azamattardyń konstıtýtsııalyq quqyqtaryn naqty qorǵaýdy qamtamasyz etý jáne memlekettik basqarý sapasyn arttyrý, — dep atap ótti Marat Báshimov.
Buǵan deıin vıtse-prezıdentke qoıylatyn talaptardyń úlgisi jarııalanǵanyn jazǵan edik.