Marat Báshimov: Halyq Bank «halyq» sózin zańsyz paıdalanyp júr

ASTANA. KAZINFORM – Májilis depýtaty Marat Báshimov Halyq Bank ataýyna «halyq sózin» qoldaný zańǵa qaıshy dep esepteıtinin aıtty.

- Menen bir sarapshy surady. «Nege Halyq Bank-ke «halyqtyń banki» degen ataýdy berip qoıǵansyzdar», - deıdi. Azamattyq kodekste Qazaqstan Respýblıkasynyń atynan ataý qoıýǵa tyıym bar. «Halyq» degen uǵym – konstıtýtsııalyq termın. Halyq atynan sóz sóılep, kópshilikke shyǵa alatyn tulǵalardyń sany shekteýli. Al bul bank halyqtyń atyn ózderine alǵan, «Halyqtyń bankimiz» dep eldi shatastyryp júr. Qarapaıym adam «Halyq bank» degen halyqtyń banki eken dep oılaıdy. Keshirińiz, kim oǵan ondaı ataý qoıýǵa ruqsat berdi? Ádilet mınıstrligi osyǵan kirisip, ataýdy qaıta qarap, talqylaýǵa shyǵarý kerek. Ol «halyq» sózin qoldana almaıdy. Óıtkeni bul – konstıtýtsııalyq termın. Ádilet mınıstrligi qorytyndy bersin, - dedi depýtat.

Qarjy naryǵyn retteý jáne damytý agenttiniń tóraıymy Mádına Ábilqasymova bul suraqqa jaýap berýge quzyreti joq ekenin aıtyp, qysqa jaýap qaıyrdy.

Aıta keteıik,  Ulttyq bank pen Qarjy naryǵyn damytý jáne retteý agenttigi Májiliste bankter týraly zań jobasyn tanystyrdy.