Marat Báshimov: Sot kadrlaryn irikteý isin áli de jetildirý kerek
«Qazaqtarda ólim jazasy degen bolmaǵan. Kisi ólimi úshin burynǵylar qun beretin. ıAǵnı bizdiń elde gýmanızm ınstıtýty burynnan bar. Biraq, qazirgi ýaqytta zańgerlerdiń ishinde saýalnama júrgizer bolsaq, olardyń 90 paıyzy ólim jazasyn qoldanǵan durys dep jaýap bereri sózsiz. Áıtse de bul – basqa aspekt. Osy jyldar ishinde qoǵamnyń qataıǵany sonshalyq, mundaı ózgeristerdiń obektıvti de, sýbektıvti jaqtaryn zertteýge týra keledi», - dedi Marat Báshimov.
Zańgerdiń aıtýynsha, «Adam quqyǵyna arnalǵan hartııa» qoǵamdyq qorynyń dırektory Jemis Turmaǵambetovyń Halyqaralyq qylmystyq sotqa qosylý týraly bastamasyn qoldaý kerek.
«Bizdiń elde de Qylmystyq kodeks bar. Onda nesine qorqamyz? Bálkim, oǵan qosylýdyń qandaı da bir saıası qaýpi bar dep te oılaıtyn bolýymyz kerek. Al qazir de oǵan álemniń 40 memleketi qosylyp qoıdy. Ol sotta halyqaralyq qylmystyq ister qaralady. Al bizdiń elde halyqaralyq qylmys jasap jatqandar bar ma? Álbette joq», - dedi ol.
Marat Báshimov Memleket basshysynyń sot júıesiniń ashyq ári ádiletti bolýy kerektigin basa atap ótkenin eske saldy.
«Bul – quqyqtyq taqyryp. Sot kadrlaryn irikteý isi áli de ashyq ótip jatqan joq. Keıingi eki jyldan beri osy máseleni zerttep kelemin. Osy taqyryp týrasynda taldaý materıaldaryn da jarııaladym. Qazirgi ýaqytta Joǵarǵy sot keńesiniń jartysy jańartyldy. Jaýapkershilik alatyn ári zańgerlik ortaǵa tanys adamdar keldi. Biraq ol jerde másele áli de kóp. Mysaly kez kelgen adam Joǵarǵy sottyń saıtyna kirip, sýdıalar týraly, atap aıtqanda qaıdan, qansha eskertý aldy, emtıhandy qalaı tapsyrdy, qansha jyl ótili bar, ıaǵnı tolyqqandy málimetti ala alatyndaı bolýy tıis. Osy týraly esh málimet joq. Jabyq. Saıttan ony tabý múmkin emes», - dedi Marat Báshimov.
