Marat Báshimov Prezıdentte qandaı ókilettik qalatyndyǵyn aıtty
«Biz Úkimet Parlamentke esep berýge mindetti modelge kele jatyrmyz. Parlamenttik basymdyq Úkimetti qalyptastyrady, ıaǵnı batystyq model. Egemen Qazaqstan qalyptasqan kezde sýperprezıdenttik respýblıkanyń qajettiligi týyndaǵan kúrdeli kezeń boldy. Prezıdenttiń zańdyq kúshi bar Jarlyqtary boldy. Endi Memleket basshysy bıliktiń barlyq tarmaqtarynyń kelisilgen qyzmetin qamtamasyz etýdi ózine qaldyryp otyr. Munan shyǵary, onda jyl saıynǵy joldaý, syrtqy saıasat quzyretteri jáne basqalary qalady. Úkimetke jańa qurylymdar, baǵdarlamalar jasaý jáne bekitý júkteledi. Endigi ýaqytta Úkimet Parlament aldynda jaýap beredi. Bul mindetterdiń barlyǵy da saıası jáne memlekettik basqarý júıeleriniń turaqtylyq qoryn qurýǵa negizdelgen. El Konstıtýtsııasynda jazylǵandaı, bul demokratııalyq jáne quqyqtyq memleketti odan ary damytýǵa baǵyttalǵan», - dedi Marat Báshimov.
Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti. Onda Prezıdenttiń áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.
