Marat Bashımov: Memleket basshysy ádilettilik prıntsıpine saı zań jobasyn usyndy
«Bul – óte mańyzdy másele. Konstıtýtsııa boıynsha Memleket basshysy zań jobasyn usynýǵa quqyǵy bar. QR Prezıdenti osy quqyǵyn paıdalanyp, Májiliske zań jobasyn joldady. Ádette Prezıdent usynǵan zań tez arada sheshimin taýyp, qabyldanady. Bul – óte jaqsy nárse. Ol aýylsharýashylyq maqsatyndaǵy jerlerdi sheteldikterge jáne sheteldik zańdy tulǵalarǵa satýǵa jáne jalǵa berýge tyıym salýdy zańmen bekitýdi tapsyrdy. ıAǵnı, bul zań jobasynda jerdi sheteldikterge ǵana emes, aktsııasynda sheteldik azamattyń úlesi bar zańdy tulǵalarǵa da satýǵa tyıym salynatyny jazylǵan», - deıdi Marat Bashımov.
Onyń aıtýynsha, keıbir memlekette jerdi sheteldikterge satý týraly zań bar.
«Bul zań jobasyn ázirlegen kezde Memleket basshysy halyqaralyq tájirıbege de qaramady, sebebi ol halqymyzdyń múddesin joǵary qoıyp otyr. Keıbir batys memleketterde jerdi shetelge satý týraly zań bar, biraq biz jas memleketpiz. Jer – memlekettiń eń negizgi, eń mańyzdy atrıbýty, sondyqtan bul Memleket basshysynyń eń basty mańyzdy sheshimi deýge bolady. Bul sheshim – Prezıdentimizdiń ózi aıtatyn ádilettilik, ashyqtyq prıntsıpterine sáıkes keledi», - deıdi ol.
Eske sala ketsek, buǵan deıin Memleket basshysy Qasym-Jomart Toqaev Jerdi sheteldikterge satýǵa birjola tyıym salýdy kózdeıtin zań jobasyn Májiliske joldaǵany týraly jazǵan bolatynbyz.
