Marat Ázilhanov: Joldaýdyń gýmanıtarlyq negizi ár azamattyń múddesine baǵyttaldy

NUR-SULTAN. QazAqparat – Qazaqstan Halqy Assambleıasy tóraǵasynyń orynbasary - hatshylyq meńgerýshisi Marat Ázilhanov Prezıdenttiń bıylǵy Joldaýy áleýmettik-ekonomıkalyq jáne saıası kún tártibindegi ózekti máselelerge naqty da tuşymdy jaýap bergenin aıtty, dep habarlaıdy QazAqparat tilshisi.

QHA tóraǵasynyń orynbasary Memleket basshysy bul Joldaýdy Qazaqstan halqy Assambleıasynyń tóraǵasy retinde jarııalaǵanyn eske saldy.

«Bıylǵy Joldaý – qoǵamnyń birligin saqtaý jáne Táýelsizdikti nyǵaıtý qajettiligin uǵyndyratyn, tatýlyq pen dostyqtyń biregeı joldaýy. Barshamyzdy biriktiretin qundylyqtardyń arqasynda biz 30 jyl tatýlyq pen kelisimde ómir súrip kelemiz, táýelsiz Qazaqstandy qurdyq, Táýelsizdiktiń urpaǵyn ósirdik. «Halyqtyń birligi» Joldaýdyń ataýynda birinshi orynǵa qoıylǵan», - dep bastady ol sózin.

Onyń aıtýynsha, bul assambleıa múshelerine, assambleıanyń ár ókiline, ár qurylymyna úlken jaýapkershilik júkteıdi.

«Bıylǵy Joldaý áleýmettik-ekonomıkalyq jáne saıası kún tártibindegi ózekti máselelerge naqty da tuşymdy jaýap retinde búgingi tańda el azamattaryn tolǵandyratyn máselelerdi qamtyǵany barshańyzǵa aıan. Joldaýdyń gýmanıtarlyq negizi, onyń Qazaqstannyń árbir azamatynyń múddesine baǵyttalýy nazar aýdartady», - dedi Marat Ázilhanov.

Assambleıa hatshylyǵynyń meńgerýshisi uıymnyń barlyq múshesi Joldaýdyń erejeleri men mindetterine tolyq qoldaý kórsete beretinin aıtty.