Marat Ázilhanov jastar uıymdarynyń kóshbasshylarmen kezdesti

NUR-SULTAN. QazAqparat - 2021 jylǵy 21 mamyrda Almaty qalasy Dostyq Úıinde Qazaqstan halqy Assambleıasy tóraǵasynyń orynbasary Marat Ázilhanov Almaty qalasy jastar uıymdarynyń kóshbasshylary jáne belsendilermen kezdesti, dep habarlaıdy QazAqparat.

Qazaqstan halqy Assambleıasy baspasóz qyzmetiniń habarlaýynsha, kezdesýge QR Parlament Májilisiniń depýtaty V.Nábıev, QHA «Jarasym» respýblıkalyq jastar uıymynyń tóraǵasy T.Jumyrbaev, «Jas Otan», «Qazaqstan volonterler lıgasy», «Medıtsına jastary» jastar uıymdarynyń kóshbasshylary, sondaı-aq, Almaty qalasy men Almaty oblysy «Jańǵyrý joly» QHA RJQ óńirlik shtabtarynyń ókilderi qatysty.

Іs-shara barysynda jastar men stýdenttik uıymdardy QHA qyzmetine tartý máseleleri, QHA «Jańǵyrý joly» jastar qozǵalysynyń qyzmetin kontenttik tolyqtyrý boıynsha usynystar talqylanyp, jastar jobalaryn iske asyrýdyń jańa formattary, sondaı-aq, jastar úshin áleýmettik múmkindikterdi keńeıtý boıynsha sharalar qarastyryldy.

QHA tóraǵasynyń orynbasary M. Ázilhanov Qazaqstan halqy Assambleıasy jastardyń áleýmettik bastamalaryn júzege asyrý úshin kómektesýge daıyn ekenin atap ótti.

Kezdesý sońynda qatysýshylar jastar jobalaryn iske asyrý boıynsha birlesken jumysty jalǵastyrýǵa senim bildirdi.