Marat Ahmetjanov nysandardyń sapasyz salynýyna ne sebep bolatynyn aıtty
«Igerilmeý nege oryn alady? Óıtkeni, Esep komıteti, basqa da organdar bar. Qyzmettik ókilettikteri úlken baqylaýshy organdar kóp. Olar kez kelgen tenderdi zańsyz dep tanyp, oǵan shaǵym túsire alady. Bizde qurylystar nelikten sapasyz? Sebebi, jyl basynda tender jarııalanǵanda bireý utyp alyp, ekinshisi shaǵymdanady. Osynaý sot sarsańy, prokýrorlyq tekserýler jarty jylǵa deıin sozylady. Al ol jyl sońyna deıin nysandy salynýy tıis. Ol qurylysty sapasyz salady nemese 2-formaǵa qol qoıyp, qylmystyq tekserý nysanyna aınalady. Joba bolýy tıis. Igergennen keıin qarajat bólip, birtindep júrgizilýi qajet», - dedi agenttik basshysy úkimettik emes uıymdar ókilderimen onlaın kezdesýde.
Onyń atap ótýinshe, Úkimettiń maqsatty ındıkatory bar.
«Jyl sońynda bıýdjetti ıgermegender, turǵyn úıdi, ónerkásiptik nysandy paıdalanýǵa berý maqsatty ındıkatorlaryn oryndamaǵandar jaýapqa tartylady. Mine, osyǵan baılanysty olar tolyq salynbaǵan nysandy joǵaryda atalǵan maqsatty kórsetkishterdi oryndaý úshin jumys istep tur dep málimdeýge májbúr bolady. Sondyqtan buǵan qatysty bizdiń kóp suraǵymyz bar. Qazir memlekettik satyp alý salasyn, onyń ishinde atalǵan memlekettik baqylaý-qadaǵalaý organdarynyń qyzmetin saralap jatyrmyz. Ol jerde asyra paıdalaný, júgingenderdiń birine basymdyq berý óte kóp. Qazirdiń ózinde bul syzba qolymyzda bar. Kelesi joly munyń barlyǵyn kórsetemiz», - dedi Marat Ahmetjanov.