Marat Ahmetjanov qylmystyq protsestiń úsh býyndy modelin túsindirdi

NUR-SULTAN. QazAqparat – Búgin QR Bas prokýrory Ǵızat Nurdáýletov pen Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov vedomstvoaralyq keńes ótkizdi, dep habarlaıdy QazAqparat tilshisi.

Agenttiktiń Nur-Sultan qalalyq departamentinde ótken is-shara barysynda olar 2021 jylǵy 1 qańtardan bastap elimizde engizilgen qylmystyq protsestiń úsh býyndy modelimen, agenttik qyzmetkerleri men prokýrorlardyń elektrondy formatta protsessýaldyq sheshimderdi kelisýdegi ózara is-qımylymen tanysty.

«Memleket basshysy Qasym-Jomart Toqaev agenttik tóraǵasy bolyp taǵaıyndalǵan kezimde qylmystyq protsestiń úsh býyndy modelin jetildirip, vedomstvojumysynda tolyqqandy qoldanýdy tapsyrǵan bolatyn. Bul úsh býyndy model azamattardyń quqyǵyn qorǵaýǵa baǵyttalǵan EYDU elderiniń ozyq tájirıbesi sanalady», - degi Marat Ahmetjanov.

Onyń atap ótýinshe, búginde agenttik jumysynda tsıfrlyq júıe jan-jaqty qoldanysqan engizilgen. ıAǵnı, búkil protsessýaldyq sheshimder elektrondy túrde jasalyp, prokýrorǵa joldanady. Ol ashyq, aıqyn bolady.

«Birinshiden, ol jerde qylmys quramynyń bar-joǵy aıqyndalady. Kúdiktige qatysty dálelderdiń zańdy ári tolyq jınalýy qadaǵalanady. Sonyń barlyǵyn qyzmetkerlerimiz taldap, jan-jaqty qaraıdy. Odan keıin tergeý qarap shyǵady. Bul birinshi súzgi sanalady. Dálel tolyq bolyp, dálelder zań aıasynda jınalsa, onda prokýrorǵa joldanady. Ekinshi súzgi - prokýror. Prokýror da isti jan-jaqty qaraıdy. Óıtkeni, onyń kelisim bolǵanda ǵana sheshim zańdy bolyp sanalady. Demek, prokýrordyń jaýapkershiligi artady. Kúdiktige qatysty dálelder jetkilikti bolǵanda ǵana kelisim beredi. Tergeý odan ary jalǵasyp, sotqa jiberiledi. Sot qarap qylmys quramynyń bar-joǵyn, kúdiktiginiń aıyptylyǵyn shyǵarady. Úsh býyndy model degenimiz osy», - dedi agenttik tóraǵasy.