Marat Ahmetjanov «Qorǵaý» quralynyń «Sergekten» aıyrmashylyǵyn atady

ASTANA. QazAqparat – QR Іshki ister mınıstri Marat Ahmetjanov «Qorǵaý» quralynyń «Sergek» júıesinen aıyrmashylyǵyn atady, dep habarlaıdy QazAqparat tilshisi.

«Qorǵaý» quralynyń «Sergekten» aıyrmashylyǵy qandaı? Eldiń qaı aımaqtarynda engiziledi?», - dep surady jýrnalıst mınıstrden Úkimet kýlýarynda.

Marat Ahmetjanovtyń aıtýynsha, «Qorǵaý» - «Sergek» júıesiniń quramdas quraly.

«Qorǵaý» degen «Sergektiń» bir quraly. Ol qural jeke engizilmeıdi. Bul aldyn ala tosqaýyl qoıý quraly dese bolady. Mysaly, jalǵan nómirmen kele jatsańyz, ne bolmasa «qaýipti júrgizýshi» degen uǵym bar. ıAǵnı, saǵatyna 120 shaqyrym jyldamdyqpen kele jatqan júrgizýshini «Sergek» avtomatty túrde «qaýipti júrgizýshi» dep belgi beredi. Sol belgi boıynsha álgi radıýsta turǵan patrýlderdiń planshetterine «Sizdiń baǵytyńyzda osyndaı atvokólik kele jatyr» degen sıgnal túsedi. Patrýl sondaı kólikterdi toqtatady. Patrýl toqtatyp, onyń nege joǵary jyldamdyqpen kele jatqanyn anyqtaıdy. Ár túrli jaǵdaı bolýy múmkin. Jaı bir jerden asyǵys kele jatýy múmkin. Ne bolmasa mas kúıinde, nashaǵa mas bolyp aıdap kele jatqan bolýy múmkin. Tipti urlap áketken kólik bolýy múmkin. Sondyqtan «Qorǵaý» quraldaryn alty qalada ornatýǵa tehnıkalyq múmkinigimiz bar», - dedi mınıstr.

Onyń sózine qaraǵanda, atalǵan qural júrgizýshilerdiń patrýldik polıtsııa ókilderine para usynýyn azaıtýǵa tıis.

«Qural jalǵan nómirmen júrgen, aıyppuldaryn tólemeı júrgen kólikterdi qalyń kóliktiń arasynan ózi tańdap, kórsetip, radýısta turǵan patrýldiń planshetine, bizdiń ortalyqqa jiberip otyrady. Onyń bir tıimdiligi, jemqorlyqqa jol bermeıdi. Óıtkeni «Qorǵaý» arqyly patrýlge berilgen málimet bar, ustaǵan patrýldiń qandaı shara qoldanǵany elektrondy túrde tirkelgen bolýy kerek», - dedi Іshki ister mınıstri.

Foto: ortcom.kz