Marat Ahmetjanov elordanyń polıtsııa bólimshelerin tekserdi

NUR-SULTAN. QazAqparat – QR Іshki ister mınıstri Marat Ahmetjanov elordadaǵy tártip pen turǵyndardyń qaýipsizdigin qamtamasyz etý jumysyn tekserdi, dep habarlaıdy QazAqparat tilshisi.

Polisia.kz. portalynyń málimetinshe, aldymen Esil aýdandyq polıtsııa basqarmasynda bolǵan Marat Ahmetjanov nysannyń materıaldyq-tehnıkalyq bazasymen ǵana emes, qyzmetkerlerdiń jumysymen de tanysty. Ásirese qylmystyq protsestiń úsh býyndy modelin júzege asyrý men vedomstvodaǵy sandyq júıeni paıdalaný deńgeıine basa nazar aýdardy. Jeke qurammen sóılesip, jas mamandarmen pikir almasty.

Mınıstr qalalyq Patrýldik polıtsııa polkine de bardy. Qurylymnyń materıaldyq-tehnıkalyq bazasyn kórdi. Jóndeýdi qajet etetin ǵımarat pen kólik turaǵynyń jaıyn bildi. Qyzmetkerler máselesi kóterildi.

Sondaı-aq, Marat Ahmetjanov elorda ákimi Altaı Kólginovpen kezdesip, polıtsııanyń eski ǵımarattaryn jóndeý jáne qaıta jańartý máselelerin talqylady. Zamanǵa saı materıaldyq-tehnıkalyq baza jumysty jedeldetýge, turǵyndarmen tyǵyz qarym-qatynas ornatýǵa múmkindik beredi.