Marat Ahmetjanov BUU Bas Assambleıasynyń 32-shi sessııasynda sybaılas jemqorlyq kúres týraly aıtty

NЬıÝ-IORK. QazAqparat – QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov BUU Bas Assambleıasynyń 32-shi arnaıy sessııasynda sybaılas jemqorlyqtyń aldyn alý, oǵan qarsy kúres jáne halyqaralyq yntymaqtastyqty kúsheıtý salasyndaǵy syn-qaterler men sharalar boıynsha sóz sóıledi, dep habarlaıdy QazAqparat vedomstvonyń baspasóz qyzmetine silteme jasap.

BUU Bas Assambleıasynyń osy máselege arnalǵan arnaıy sessııasy alǵash ret ótýde.

Antıkor basshysy óz sózinde Táýelsizdik jyldary Qazaqstanda sybaılas jemqorlyqqa qarsy is-qımyl máselelerinde eleýli jumys júrgizilgenin atap ótti. Іske asyrylǵan sharalardyń arqasynda Qazaqstan eki jyl ishinde Dúnıejúzilik Banktiń sybaılas jemqorlyqty baqylaý ındıkatory boıynsha kórsetkishin eki eseden astam jaqsartty, Transparensı Interneshnl sybaılas jemqorlyqty qabyldaý ındeksi boıynsha ósim 30 oryndy qurady.

Onyń aıtýynsha, sybaılas jemqorlyqqa qarsy is-qımyl salasyndaǵy jumystyń tıimdiligin arttyrý boıynsha jumys jalǵasýda.

Máselen, búginde sybaılas jemqorlyqqa qarsy bastamalar – elimizde júrgizilip jatqan aýqymdy ózgeristerdiń bir bóligi. Bir jaǵynan, qaýipsiz qylmysty alǵash ret jasaǵandarǵa zańnyń repressıvtiligi tómendese, ekinshi jaǵynan, sybaılas jemqorlyqty qosa alǵanda, aýyr, áleýmettik qaýipti áreketter úshin jaýapkershilik kúsheıtiledi.

Sondaı-aq, bıyldan bastap qylmystyq qýdalaý organdary túbegeıli jańa jaǵdaılarda jumys isteıdi. Atap aıtqanda, EYDU elderiniń tájirıbesi boıynsha qylmystyq protsestiń úsh býyndy modeli engizildi. Jınalǵan dáleldemeler prokýror tarapynan táýelsiz baǵalanady, onyń kelisiminsiz eshqandaı negizgi is júrgizý sheshiminiń zańdy kúshi bolmaıdy.

Qorytyndylaı kele, M.Ahmetjanov Qazaqstan sybaılas jemqorlyqty onyń barlyq nysandarynda joıý baǵytyn ustanatynyn jáne barlyq múddeli taraptarmen yntymaqtastyqqa daıyn ekenin atap ótti.

BUU Bas Assambleıasynyń arnaıy sessııasynyń plenarlyq otyrystarynda BUU-nyń Sybaılas jemqorlyqqa qarsy konventsııasyna múshe memleketter men ÚEU ókilderiniń, sondaı-aq bas Assambleıadaǵy baqylaýshylardyń baıandama jasaıdy.

Іs-shara qorytyndysy boıynsha naqty is-qımylǵa baǵdarlanǵan saıası deklaratsııany qabyldaý josparlanyp otyr. Atalǵan qujattyń jobasynda sybaılas jemqorlyqqa qarsy is-qımyldyń keshendi tásilin qamtamasyz etýge, halyqaralyq qoǵamdastyqtyń birlesken kúsh-jigerin qabyldaýǵa jáne parasattylyqty, ashyqtyq pen eseptilikti ilgeriletýge erekshe nazar aýdarylǵan.

Іs-shara 2-4 maýsym aralyǵynda Nıý-Iork qalasynda (AQSh) onlaın formatta ótti.