Marat Ahmetjanov birqatar qylmys túriniń tómendegenin aıtty

ASTANA. QazAqparat – Nashaqorlyqqa jáne esirtkige qarsy kúrestiń 2023-2025 jyldarǵa arnalǵan keshendi jospar jobasy ázirlendi. Bul týraly Úkimet otyrysynda QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Іshki ister mınıstrligi Memleket basshysynyń Saılaýaldy baǵdarlamasyn oryndaý úshin tıisti sharalar qabyldaýda. Eń aldymen, HHІ ǵasyrdaǵy qazaqstandyq polıtsııanyń – adam suranysyna baǵyttalǵan kásibı, servıstik polıtsııasyn qurý, bıýrokratııa men formalızmnen arylý, adamǵa baǵyttalǵan sapaly qyzmet kórsetý. Saraptamalyq, tsıfrlyq tetikter qoldanyp, problemany sheshýge baǵdarlanǵan tásilderdi engizip jatyrmyz. Sonyń arqasynda kisi óltirý faktisi - 12, qaraqshylyq - 25, tonaý - 6, zorlaý – 26, buzaqylyq – 11, mal urlaý – 20, ınternet alaıaqtyǵy 4 paıyzǵa tómendedi. Qoǵamdyq orynda jasalǵan qylmystar – 7, kóshelerde - 11, mas kúıde – 11, otbasylyq-turmystyq jaǵdaıda 6 paıyzǵa azaıdy», - dedi Marat Ahmetjanov.

Onyń atap ótýinshe, Nashaqorlyqqa jáne esirtkige qarsy kúrestiń 2023-2025 jyldarǵa arnalǵan keshendi josparynyń jobasy ázirlendi. Onda múddeli memlekettik organdardy jáne qoǵamdyq ınstıtýttardy nashaqorlyqqa jáne esirtkige qarsy kúreske jumyldyrý; halyqaralyq yntymaqtastyqty keńeıtý jáne basqa da is-sharalar kózdelgen.

«Aldyn alý tıimdiligin arttyrý maqsatynda, 2023-2025 jyldarǵa keshendi jospar ázirlenýde», - dedi mınıstr.