Marapattaý rásiminde «Afrıka arýy» parıginiń lap etip janǵan sátiniń vıdeosy jelini sharlady

ASTANA. QazAqparat - Marapattaý rásiminde «Afrıka arýy» Dorkas Kasındeniń parıgi lap etip janyp ketti. Bul týraly Nıgerııanyń Daily Post basylymy jazdy. Osy bir yńǵaısyz jaǵdaıdyń vıdeosy jelini sharlap júr.

Nıgerııanyń Kalabar qalasynda ótken sulýlyq baıqaýynda 24 jastaǵy Kasınde Kongo Demokratııalyq Respýblıkasynyń atynan shyqqan bolatyn.

Vıdeodan Kasındeniń parıgine pırotehnıkalyq zattardyń ushqyny túsip, artynan órtenip ketkeni kórinedi.

Boıjetken ony baıqamaǵan da. Abyroı bolǵanda, saltanatty rásimdi júrgizýshi jedel jetip, órtti sóndirip úlgerdi. Arýdy kúıik shalǵan joq. Artynsha saltanatty shara jalǵasyn tapty.