Marapattaý rásimi kezinde «Oskar» syılyǵyn urlap ketti
ASTANA. QazAqparat - Aktrısa Frensıs Makdormandtyń «Mıssýrı, Ebbıng shekarasyndaǵy úsh bılbord» fılmindegi basty róli úshin alǵan «Oskar» syılyǵyn urlap ketti, dep habarlaıdy QazAqparat euronews.com-ǵa silteme jasap.
«Oskar» syılyqtaryn marapattaý rásiminde bul joly da shý shyqty. Aktrısa Frensıs Makdormandtyń «Mıssýrı, Ebbıng shekarasyndaǵy úsh bılbord» (Three Billboards Outside Ebbing, Missouri) fılmindegi basty róli úshin alǵan «Oskar» syılyǵynan aıyrylyp qala jazdady.
Onyń nagradasyn Terrı Braıant esimdi bireý urlap, kıno juldyzdarynyń arasyna jasyrynǵan. Keshten eshkimge bildirmeı sytylyp shyqqan ol «Úzdik áıelder róli úshin» nagradasymen maqtanǵan vıdeosyn «Feısbýkte» jarııalady. Aktrısanyń shaǵymynan keıin polıtsııa uryny ustap, músinsheni zańdy ıesine qaıtardy.
Amerıka kıno akademııasynyń 90-shy «Oskar» syılyqtaryn tabystaý saltanaty jeksenbi kúni Los-Andjeles qalasynda ótti.
