Maraldy turǵyndary altyn óndirýshi kásiporyndy sotqa bere alady – Ekologııa mınıstrligi

ASTANA. QazAqparat – Ekologııa jáne tabıǵı resýrstar mınıstrligi Ekologııalyq retteý jáne baqylaý komıteti tóraǵasynyń mindetin atqarýshy Aıdar Abdýalıev Shyǵys Qazaqstan oblysyndaǵy Maraldy aýylynyń halqyna altyn óndirýshi kompanııanyń jumysyn toqtatý úshin ne isteı alatyndaryn túsindirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide áleýmettik jelide talaıdan beri qyzý talqylanyp jatqan Maraldy altyn kenishi týraly birneshe suraq qoıyldy.

Mınıstrlik ókili bul máseleni turǵyndar sot arqyly ǵana sheshe alatynyn jetkizdi.

«Bul máselede Ekologııa jáne tabıǵı resýrstar mınıstrliginiń ustanymy quqyq talaptaryna negizdelgen. Máseleniń bári ekologııalyq zańnama aıasynda qarastyrylady. Ekologııa zańnamasy buzylǵan jaǵdaıda atalǵan altyn óndirýshi fabrıkany jaýyp tastaýǵa bolady. Qazirgi tańda ruqsat beretin qujattary bar. Bul jobaǵa qoǵamnyń bir bóligi qarsy, taǵy bir bóligi maquldap otyr. Qoǵam qaýymdastyǵy sot organdaryna shaǵym túsirýge haqyly ekenin aıtqym keledi. Bul jerde qoǵamdyq tyńdaýdyń hattamasynyń kúshin joıý týraly aryz túsire alady. Osy aryz negizinde sot turǵyndardyń paıdasyna sheshim shyǵarsa, biz de ózimiz bergen qorytyndyny keri qaıtaryp ala alamyz», - dedi Aıdar Aýbdýalıev.