Maraldy altyn fabrıkasynyń máselesin 15 mamyrǵa deıin sheshemiz - Marat Qarabaev
«Shyǵys Qazaqstan oblysy Kúrshim aýdanynyń Maraldy aýylynda altyn óndiretin fabrıka salý áli kún tártibinde tur ma?» - dep surady BAQ ókilderi.
Mınıstr kelesi aptada osy másele boıynsha sondaǵy halyqpen jan-jaqty kezdesý ótkizýdi josparlap otyrǵanyn aıtty.
«Jalpy, ol zaýyt boıynsha biz kelesi aptada ákimdiktiń ókilimen jáne jergilikti halyqpen qosymsha kezdesý ótkizemiz. Odan keıin ǵana jaýap beremin. Óıtkeni, birneshe másele bar. Aıtyp otyrǵanyńyz durys. Eki tarap bir-birimen kelisimge kelip otyrǵan joq. Sondyqtan, 9 mamyr merekesi ótken soń barshasynyń basyn qosyp, qosymsha málimetin beremiz.
Fabrıka salý máselesi, basqa da barlyq másele áli kún tártibinde tur. Qazir naqty mynandaı sheshim qabyldandy dep aıta almaımyn. Óıtkeni, kelesi aptada ár tarapty tyńdap qana jaýabyn aıtamyz. Shamaly sabyr saqtańyzdar. Meıramnan keıin 15 mamyrǵa deıin qosymsha aıtamyz», - dedi Marat Qarabaev.
