Maraldyda 100-ge jýyq adam fabrıka aýmaǵynda tóbeles shyǵarǵan

ÓSKEMEN. KAZINFORM – Shyǵys Qazaqstan oblysy Kúrshim aýdany Maraldy aýylynda 100-ge jýyq adam fabrıka aýmaǵynda tóbeles shyǵarǵan.

ShQO Aqparat ortalyǵynyń habarlaýynsha, Maraldy aýylynda «Baıtaq» partııasynyń ókili men bir top adam altyn óndirý fabrıkasynyń qurylysyna qarsylyq bildirip, ruqsatsyz jınalys ótkizgen. Jınalys aıaqtalǵannan keıin 100-ge jýyq Maraldy turǵyny fabrıka qurylysyn toqtatý týraly beıneúndeý túsirý úshin qurylys ornyna kelip, ary qaraı olar fabrıka aýmaǵyna kirgen. 

«Kásiporyn basshylyǵynyń málimeti boıynsha olardyń qyzmetkerleri dene jaraqatyn alyp, materıaldyq shyǵynǵa ushyraǵan. Jeke qaýipsizdikti qamtamasyz etý úshin kásiporynnyń qyzmetkerleri men kúzetshileri kásiporyn aýmaǵynan ketýge májbúr boldy. Polıtsııa jáne SOBR qyzmetkerleri jınalǵandardy quqyqtyq tártipti saqtaýǵa shaqyryp, zańnamany túsindirdi, bul rette olarǵa kúsh qoldanylmady, - delingen aqparatta.

Atalǵan fakti boıynsha ShQO Polıtsııa departamenti sotqa deıingi tergeý sheńberinde tergeý amaldaryn júrgizýde. Sonyń nátıjesi boıynsha quqyqtyq baǵa beriledi.