Marafonǵa júgirýdiń paıdasy mol - Ǵarıf Satıev
ORAL. QazAqparat - Marafonǵa júgirýdiń paıdasy mol. Bul týraly Oralda búgin ótken jartylaı marafonǵa Almatydan kelip qatysqan Ǵarıf Satıev málim etti, dep habarlaıdy QazAqparat tilshisi.
Onyń aıtýynsha, marafonǵa qaı jastaǵy adamdar da júgire alady.
«Bıyl 61 jasqa tolamyn. Marafonmen aınalysqanyma 10 jyl boldy. 42 shaqyrymǵa bir ret, 21 shaqyrymǵa eki márte, 10 shaqyrymǵa onshaqty ret júgirdim. 2016, 2017 jáne 2018 jyldary Almaty qalasynda ótken úsh birdeı halyqaralyq marafonda 45-60 jas aralyǵynda úzdik atandym. Búgin de 10 km qashyqtyqta 1500 adam jarysyp, óz jas ereksheligimen qaraı birinshi orynǵa ıe boldym», dedi QazAqparat tilshisine Ǵarıf Ǵarıfollauly.
Aıta keteıik, Oralda alǵash ret uıymdastyrylǵan jartylaı marafonǵa elimiz qalalarynan ǵana emes, sondaı-aq reseılik, ıtalııalyq azamattar da qatysty. Bir aınalym 5,25 shaqyrym bolsa, 10,5 jáne 21,1 shaqyrymdyq jarystar bólek qorytyndylandy. Sonymen qatar 440 metrge kishkentaı baldyrǵandar júgirdi. Jarystyń jalpy júlde qory - 2,5 mln teńge.
Bir aıta ketetin jaıt, qatysýshylardan jınalǵan qarajat densaýlyǵynda kináraty bar, muqtaj balalardyń qajetine jumsalady.
Bolashaqta Oralda tolyq marafon ótkizý oılastyrylýda.
