Maradonanyń ólimi boıynsha 7 medıtsına qyzmetkerine aıyp taǵyldy
NUR-SULTAN. QazAqparat – San-Isıdro qalasynyń bas prokýratýrasy Dıego Maradonanyń ólimine qatysta jeti medıtsına qyzmetkerine aıyp taǵyp otyr, dep habarlaıdy QazAqparat EFE agenttigine silteme jasap.
Dárigerler «adamdy qasaqana óltirý» baby boıynsha 8 jyldan 25 jylǵa deıin bas bostandyǵynan aıyrylýy múmkin.
Prokýratýra esebinde Maradonanyń densaýlyǵyn baqylaýmen aınalysqan dárigerler brıgadasynyń essizdik tanytyp, naýqastyń halin jaǵdaı enshisine qaldyrǵany aıtylǵan. San-Isıdro qalasynyń bas prokýratýrasy sottan aıyp taǵylǵandarǵa Argentınadan ketýge tyıym salýdy surady.
Maradona ótken jyly 25 qarashada 61 jasynda dúnıeden ótti. Aty ańyzǵa aınalǵan fýtbolshy júrek qyzmetiniń jedel jetispeýshiliginen ókpesi qabynyp, kóz jumdy.
Maradona – 1986 jylǵy álem chempıony, HH ǵasyrdyń úzdik fýtbolshylarynyń biri. Ol barlyǵy 687 match oınap, 369 gol soqqan.
