Maradonanyń asqazanyna ota jasaldy
ASTANA. QazAqparat - Argentınanyń aty ańyzǵa aınalǵan fýtbolshysy Dıego Maradona asqazanyna ota jasalǵannan keıin aýrýhanadan shyǵaryldy.
Habarlanyp otyrǵandaı, fýtbolshyǵa 10 jylda ekinshi ret ótkizilip otyrǵan asqazan otasy Venesýela emhanalarynyń birinde ótkizildi, dep jazady sheteldik BAQ.
Bul ota argentınalyq quramanyń burynǵy kapıtanyna salmaq túsirýge kómektesýi tıis. Dárigerlerdiń aıtýynsha, fýtbolshynyń qazirgi salmaǵy normadan 75 keli kóp bolyp otyr, al bul densaýlyqpen baılanysty budan da kúrdeli problemalarǵa ákelip soqtyrýy múmkin. 10 jyldaı ýaqyt buryn Maradonaǵa osyǵan uqsas ota jasalǵan.
Fýtbolshynyń densaýlyǵy burynnan syr bere bastaǵan. 2004 jyly ol asqazan jáne júrek problemalaryna baılanysty eki ret jansaqtaý bólimine túsken edi. 2000 jyly Ýrýgvaıda Maradonadan kokaındi mólsherden tys paıdalaný saldarynan kúrdeli júrek jetkiliksizdigi baıqalǵan.
