Maradona Messıge jeńildik jasaǵany úshin FIFA-ny synǵa aldy
ASTANA. QazAqparat - Argentına quramasynyń burynǵy bas bapkeri Dıego Maradona eldiń ulttyq komandasynyń shabýylshysy Lıonel Messıge FIFA tym jumsaq qarady dep sanaıdy. Bul týraly «QazAqparat» HAA tilshisi habarlaıdy.
Argentına fýtbol qaýymdastyǵy «Barselona» fýtbolshysyna tórt oıynǵa qatysýǵa shekteý qoıýyna baılanysty apellıatsııalyq aryz berdi. FIFA jazanyń kúshin joıyp, oǵan jaqynda ótetin oıynǵa shyǵýǵa ruqsat berdi. Alaıda Messı bir oıynǵa qatyspaı qaldy.
«Men Messıge kómekteskim keldi. Biraq FIFA sheshimimen ortaq eshteńem joq. Tórt oıyn bar. Aıaq astynan oǵan keshirim jasap, úsh kezdesýge qatysýǵa ruqsat berdi. FIFA-nyń áreketi durys emes. Keı tustarda Leony jazalaý oryndy. Muny júregime qolymdy qoıyp aıtamyn. Ony bir jyl jattyqtyrdym. Ol fýtbolshyǵa qaraǵanda, jumsaq, bııazy balaǵa kóp uqsady», - dedi Maradona argentınalyq radıoǵa bergen suhbatynda.
