Maradona FIFA prezıdenti oryntaǵynan úmitti
ASTANA. QazAqparat - Argentına quramasynyń burynǵy shabýylshysy, ataqty Dıego Maradona Halyqaralyq fýtbol federatsııasy (FIFA) prezıdentiniń oryntaǵyna daýysqa túsýge nıetti.
Bul týraly ýrýgvaılyq jýrnalıst Vıktor Moraleske silteme jasap jergilikti Ahora basylymy habarlady.
«Dıego FIFA-da ózgeris bolǵanyn qalaıdy, sondyqtan da prezıdenttik saılaýǵa qatysýǵa nıet bildirip otyr. Ol FIFA aınalasynda týyndaǵan daý-damaıńǵa aralaspaı, kerisinshe kúreskendi jón sanady. Onyń bedeli joǵary», - dedi Morales.
FIFA prezıdentiniń jańa saılaýy aldyn ala 2015 jylǵy 16 jeltoqsanǵa josparlanǵan.
