Maradona Birikken Arab Ámirlikterinen jańa jumys tapty

ASTANA. 2 qyrkúıek. QazAqparat - Argentınalyq ataqty fýtbolshy, bıylǵy jyly BAÁ-niń «Al-Vasl» klýbynyń bas jattyqtyrýshysy laýazymynan ketken Dıego Maradona Dýbaıda jańa jumys tapty, dep habarlady gulfnews.com saıty.

Maradona sport máselesi boynsha keńesshi boldy. Dýbaıdyń sport jónindegi keńesi ókilderiniń aıtýynsha, 51 jastaǵy argentınalyq jańa jumysynda 2013 jylǵy mamyrǵa deıin «Al-Vaslmen» jasalǵan sharttyń ornyn jabady.

2011 jyly «Al-Vaslda" jattyqtyrýshy bolǵan ol bıylǵy jazdaǵy qanaǵattanǵysyz nátıjelerge oraı qyzmetinen ketken edi. 2011 jylǵy mamyr aıynan beri ol basqarǵan klýb birde-bir jeńiske qol jetkize almady, tipti ulttyq birinshiliktegi pozıtsııasyn da aıyrylyp qaldy.

Jumystan bosatylǵannan keıin Maradona klýbtan kelisim-shartty merziminen buzǵany úshin 17 mıllıon eýro talap etti. Al «Al-Vasl» ótemaqy retinde úsh mıllıon eýro tóleýge ázir ekenin málimdedi.