Maradona Argentına matchynan keıin medıtsınalyq kómekke júgindi
ASTANA. QazAqparat - Dıego Maradona Argentına - Nıgerııa matchynan keıin ózin jaısyz sezinip, Sankt-Peterbýrgten Máskeýge jeke ushaqpen ushyp barǵan, dep habarlaıdy «SPORTINFORM» SAA Marca-ǵa silteme jasap.
O basta medıtsınalyq kómekke muqtaj bolǵanmen, qazir 57 jastaǵy argentınalyq ańyz fýtbolshynyń jaǵdaıy turaqty. Onyń Sankt-Peterbýrgtegi aýrýhanada bolǵan-bolmaǵany týraly naqty aqparat joq. Match aıaqtalǵan soń Maradona trıbýnadan ózi erkin shyǵa almaǵan.
Qıyn oıynnan soń argentınalyqtar 2:1 esebimen jeńdi. Osy oıynmen bir ýaqytta bolǵan D tobynyń taǵy bir kezdesýinde Islandııa quramasy Horvatııadan 1:2 esebimen jeńildi. Bul nátıjeler Maradonanyń otandastaryna 2018 jylǵy Álem chempıonatynyń 1/8 fınaly joldamasyn berdi.
