Maorı taıpasynyń haka halyq bıi YouTube saıtynda ınternet hıtyna aınaldy
ASTANA. QazAqparat - Jańa Zelandııadaǵy Aalııa esimdi maorı taıpasynyń qyzy men aq násildi kúıeý jigit Bendjamın Armstrongtyń úılený toıynda qonaqtar ulttyq haka bıin bıledi, bul YouTube saıtynda 13 mıllıonnan astam kórilim jınap, ınternet-hıtyna aınaldy, dep habarlady Lenta.rý.
Toı saltanaty Oklend qalasynda ótti. Bı jas jubaılar úshin tosyn syılyq boldy. 21 jastaǵy Aalııa men 24 jastaǵy Ben de bıshilerge qosylyp ketti, al qalyńdyq qýanyshtan kózine jas aldy.
Jańazelanzııalyq baıyrǵy maorı halqynyń dástúrli bıi osy eldiń regbıshileriniń oryndaýynda álemge tanymal. Bı toppen oryndalady, onda aıqaılaý da, jer tepkileý de, jaýyngerlik aıqaı-súreń de bar. Bı regbıshilerdiń rýhyn kóteredi ári qarsylas komandanyń berekesin qashyryp, psıhologııalyq shabýyl retinde qoldanylady. Degenmen haka merekelerde de, sondaı-aq qymbatty qonaqtar úshin de oryndalady.
Bul arada jas jubaılardyń kóńilin kóterý úshin uıymdastyrylǵany anyq. Beınejazbany myna jerden kóre alasyzdar:
