Mao portretin qorlaǵan QHR azamaty túrmege qamaldy
ASTANA. QazAqparat - Qytaı soty jergilikti turǵyndy Moa Tszedýn portretin ádeıi qorlaǵany úshin bir jyl, eki aıǵa qamady, dep habarlady VVS. .
Sot 42 jastaǵy Sýn Bınniń Beıjiń qalasynyń ortalyǵyndaǵy Tıananmen alańynda ornatylǵan Maonyń úlken portretine boıaý tókkenin anyqtady. Aıyptalýshy azamat oqıǵa ornynda ustaldy. Ol sotta óz kinásin moıyndaǵan.
Bul oqıǵa ótken jyldyń kókteminde Búkilqytaılyq halyq ókilderi jınalysynyń jyl saıyn ótetin sessııasy kezinde bolǵan. Sýnniń bul áreketine ne sebep bolǵany týraly habarlanbaıdy. Portret tez tazalanyp, qalpyna keltirilgen. Sýn buryn alaıaqtyq jasaǵany úshin sottalǵan. Túrmeden portretke boıaý tókken oqıǵaǵa deıin bosatylǵan eken.
