Mao Tszedýnnyń qoljazbasy 1 mln dollarǵa satyldy
ASTANA. QazAqparat - QHR-dyń burynǵy tóraǵasy Mao Tszedýnnyń ómiriniń sońǵy kezinde jazǵan qoljazbasy Sotheby's aýktsıonynda 704 myń fýnt sterlıngke (1 mln dollar) satyldy, dep habarlaıdy QazAqparat.
Bı-Bı-Sı agenttiginiń habarlaýynsha, Mao Tszedýn bul jazbany 1975 jyly qytaıdyń klassıkalyq ádebıet zertteýshisi Lý Dıchańmen kezdesýi kezinde jazǵan. Sondaı-aq, satylǵan qoljazbanyń quny áýelgi baǵasynan 10 ese joǵary bolǵan.
Mamandardyń aıtýynsha, qoljazbadan Maonyń jazýdy qınalyp jazǵany baıqalady. Bul qytaılyq kósemniń ómiriniń sońǵy kezderi densaýlyǵynyń nasharlaýyna baılanysty bolyp otyr.
Aıta keteıik, buǵan deıin Sotheby's aýktsıonynda Mao Tszedýnnyń Anglııanyń leıborıster partııasynyń basshysy Klement Ettlıge jazǵan haty 900 myń AQSh dollaryna jáne Endı Ýorhol salǵan Mao Tszedýn portreti 12,69 mıllıon AQSh dollaryna satylǵan bolatyn.
Mao Tszedýn QHR-dyń negizin qalaýshy, Qytaı Kommýnıstik partııasy (QKP) basshysy. Mao QHR-dy 1949 jyly bastap basqaryp, 1976 jylǵy qyrkúıektiń 9 kúni qaıtys boldy.
