Manzorov isi: Bas prokýratýra Agenttiktiń shaǵymyn qoldamady

NUR-SULTAN. QazAqparat – Bas prokýratýra Baǵdat Manzorovqa qatysty qylmystyq istiń jabylýyna baılanysty QR Sybaılas jemqoryqqa qarsy is-qımyl agenttiginiń narazylyq tanytýyna pikir bildirdi, dep habarlaıdy QazAqparat tilshisi.

«Tıisti rásimder bar. Eger de qylmys quramy bolmasa, onda sheshim qabyldanady. Tergeý protsesine eshkim de yqpal ete almaıdy. Atap aıtqanda, qylmys quramy nemese qylmystylyq oqıǵasy bolmasa, iske núkte qoıylady», - dedi QR Bas prokýrorynyń orynbasary Marat Ahmetjanov Parlament Májilisinde tilshiler saýalyna jaýap bere otyryp.

Osy oraıda, ol Sybaılas jemqorlyqqa qarsy qyzmettiń shaǵymy qanaǵattandyrylmaǵanyn rastady.

«Prokýratýra bul qylmystyq qýdalaýda toqtatty. Agenttiktiń shaǵymy qanaǵattandyrylmady», - M. Ahmetjanov.

Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deıin habarlaǵan bolatynbyz. QR Sybaılas jemqorlyqqa qarsy is-qımyl agenttigi oǵan QR Qylmystyq kodeksiniń 190-baby, 2-bóligi, 2-tarmaǵy («Laýazymyn paıdalaný arqyly asa iri kólemdegi alaıaqtyq») boıynsha aıyp taqty.

Keıin Bas prokýratýra Baǵdat Manzorovqa qatysty qylmystyq is toqtatylǵanyn resmı túrde málimdedi. Kóp uzamaı sheneýnik óz qyzmetine qaıta kiristi.

Óz kezeginde agenttik Bas prokýratýranyń bul sheshimine narazylyq tanytty.