Mańyzdy mamandyqtardy meńgergen sheteldikter yqtııarhatqa jeńildetilgen tártippen ótinish bere alady

ASTANA. QazAqparat – Qazaqstanǵa suranysy bar kásipter boıynsha shetelden mamandar tartý tártibin bekitti. Bul týraly Úkimet otyrysynda Kóshi-qon saıasaty tujyrymdasyn iske asyrý barysyn talqylaý kezinde Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Bıyl 1 shildeden bastap ortalyq jáne jergilikti atqarýshy organdarmen birlesip, suranysy bar kásipterdiń tizbesi bekitilip, naqty jumys bastaldy. Endi osy tizimdegi mamandyǵy bar sheteldikter elimizde turaqty turýǵa yqtııarhat alý úshin jeńildetilgen tártippen ótinish bere alady. Sondaı-aq, ruqsat berýdiń jańa qaǵıdalary qabyldandy. Onyń basty jańalyǵy – endi bir ruqsatnamamen birneshe óńirde jumys isteýge bolady», - dedi T. Dúısenova.

Onyń aıtýynsha, bıyl shet eldik mamandardyń kvotasy 22 myń sanymen bekitildi.

«Ruqsatnamalar berýdiń negizgi shartyna toqtalsaq, mundaı mamandar elimizdiń eńbek naryǵynda bolmaǵan kezde ruqsat etiledi. Sonymen qatar, jumys ornynda qazaqstandyq mamandardyń úlesi 95 paıyzdan tómen bolmaýy qajet», - dedi mınıstr.

Budan buryn habarlanǵandaı, Qazaqstanǵa negizinen qaı eldiń azamattary qonys aýdaryp jatqany anyqtaldy.