Mansur Beısembaı velosporttan Azııa chempıonatynyń júldegeri atandy

ASTANA. KAZINFORM – Ál-Qassım qalasynda (Saýd Arabııasy) ótip jatqan tas joldaǵy velosporttan sary qurlyqtyń dodasynda qorjynymyz kezekti júldemen tolyqty, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.

Búgin U23 sanatyndaǵy erler 122,5 shaqyrym bolatyn toptyq básekede synǵa tústi. Nátıjesinde Mansur Beısembaı márege ekinshi bolyp jetip, kúmis medaldi moıynyna taqty.

Aıta keteıik, Mansur Beısembaı buǵan deıin jeke saıysta chempıon atanyp, komandalyq básekede kúmis júldeni enshilegen edi.

Azııa chempıonaty 12 aqpanda máresine jetedi. Bıylǵy dodada Azııa qurlyǵynyń 22 elinen 621 sportshy júldege talasyp jatyr.

Eske sala keteıik, Qazaqstan quramasy jeńil atletıkadan Azııa chempıonatyn 7 medalmen aıaqtady.

Nadejda Dýbovıtskaıa Azııa chempıonatynda bıiktikke sekirýden kúmis aldy.