Manhettendegi jarylysqa qatysty kúdiktiniń esimi jarııalandy
ASTANA. QazAqparat - Nıý-Iork meri Bıll de Blazıo Manhettendegi jarylysty uıymdastyrýdaǵy kúdiktiniń aty-jónin atady. Qala basshysynyń aıtýynsha, shabýyldyń artynda AQSh azamattyǵyn alǵan Nıý-Djersı turǵyny, 28 jastaǵy Ahmad Han Rahanı turýy múmkin.
De Blazıo kúdiktiniń qarýly jáne qaýipti bolýy múmkin ekenin atap ótti. Mer Nıý-Iork polıtsııa departamentiniń Rahanıdiń fotosyn jarııalaǵanyn, odan jaýap alý úshin izdeýde ekenin aıtty, dep habarlaıdy newsru.com.
Jaqynda ABC News esimi atalmaǵan derekkózderge silteme jasap, Nıý-Iorktegi jarylysqa qatysty bes adamnyń ustalǵanyn habarlady. Alaıda FBR bul aqparatty teriske shyǵardy.
17 qyrkúıek kúni keshke Nıý-Iorktyń ortalyq aýdany Manhettende jarylys boldy. Jarylǵysh zat Chelsı aýdanyndaǵy 6 jáne 7 avenıý arasyndaǵy 23-kóshede qoqys jáshigine jasyrylǵan dep habarlandy. Jarylys saldarynan 29 adam zardap shekti, qazir olardyń barlyǵy aýrýhanadan shyqty. 
