Manhettende lıýks sanatyndaǵy kıiz úı paıda boldy
ASTANA. QazAqparat - Manhettende bir kún túnep shyǵý quny eki myń dollar turatyn lıýks sanatyndaǵy kıiz úı salyndy.
Bul degenimiz elıtalyq qonaqúıdiń nomerinen áldeqaıda qymbatyraq, - dep habarlaıdy pavlodarnews.kz.
Munyń basty sebebi, bul qonaqúı Orta Azııa halyqtarynyń salt dástúri boıynsha salynǵan. Kıiz úı terassada qalanyń adamdar kóp shoǵyrlanǵan jerinde ornalasqan. Alaıda dızaıner Kımberlı Vıntroptyń aıtýynsha, biregeı qurylymda dybys ótkizbeıtin qurylǵylar ornatylǵan jáne sol sebepti zýlaǵan kólikterdiń daýsy qonaqtardyń alańsyz uıyqtaýyna kedergi keltirmeıdi. Kıiz úıdiń artynda alańqaı bar, onda siz kórpelerde jata alasyz jáne ot jaǵyp, Ortaazııalyq kempıng uıymdastyra alasyz.
Joba avtorlarynyń aıtýynsha, mundaı qonaqúıdi jasaýdy olar Kalıfornııada ótken Koachella mýzykalyq festıvalinen kórgen. W Hotel qonaqúıi qarasha aıyna deıin jumys isteıdi. Nıý-Iork turǵyny qonaqúıdiń sýretterimen áleýmettik jelide belsendi túrde bólisip jatyr. Baǵasynyń qymbat ekendigine qaramastan, bul qonaqúı bos turady deý qıyn.
