«Manhetten», «Káýsar»: Almatyda 70-ten astam jezóksheler úıi anyqtaldy
ALMATY. KAZINFORM – Almaty polıtsııasy «Manhetten», «Aqbulaq» jáne «Káýsar» turǵyn úı keshenderinde jynystyq qyzmet kórsetetin jezóksheler úıleri men zańsyz jumys isteıtin salondardy anyqtady.
Qalalyq polıtsııa departamentiniń málimetine sáıkes, reıd barysynda 71 jezóksheler úıi áshkere boldy. Zańsyz áreket úshin úı bergen páter ıeleri jaýapqa tartyldy.
– Bul páterlerde tirkeýsiz jáne jeke basyn kýálandyratyn qujatsyz turǵan adamdarǵa da ákimshilik shara qoldanyldy. Polıtsııa qyzmetkerleri zańsyz áreketterdiń aldyn alý úshin kún saıyn profılaktıkalyq is-sharalar júrgizedi, al turǵyndar óz aýdandaryndaǵy qaýipsizdik pen tártipke jaýapty bolýy kerek, - dedi Almaly aýdandyq polıtsııa basqarmasynyń bastyǵy Maqsat Pshan.
Eske salaıyq, buǵan deıin Almatyda jol jóndegen merdigerlerdi polıtsııa tekserip jatqanyn jazǵanbyz.