Mańǵystaýlyqtar óz erkimen bir saǵat jaryqsyz otyrady
Mańǵystaýlyqtar sońǵy 4 jylda bul aktsııaǵa belsendi qatysyp keledi. Óńir turǵyndaryna bıyl da sharaǵa atsalysyp, saǵat 20:30 – 21:30 aralyǵynda úıdegi shamdardy óshirý, tehnıkany toq kózinen ajyratý usynylady.
Jyl saıyn bul sharaǵa álemniń 180-nen astam eli qatysady. Al Qazaqstan «Jer saǵaty» aktsııasyn 13-ret ótkizbek.
Maqsat – tabıǵatqa janashyrlyqpen qaraýǵa úndeý, planetanyń klımatyn saqtaý, onyń shekteýli resýrstaryna qamqorlyq jasaý.
«Ýaqytsha bir saǵatqa jaryq kózderi, tehnıka quraldaryn sóndirip, qorshaǵan ortaǵa ózimizdiń az da bolsa úlesimizdi qosaıyq. Endi bul ár aýdan, qala ákimdigimen júzege asyrylady. Aqtaý qalasy boıynsha ortalyq kóshelerdiń shamdary sónedi. Sonymen qatar, mekeme ǵımarattarynyń jaryǵy óshiriledi», - dedi Mańǵystaý oblystyq Tabıǵı resýrstar jáne tabıǵatty paıdalanýdy retteý basqarmasynyń bólim basshysy Dınara Eńsegen.