Mańǵystaýlyqtar «Meniń týym - meniń elim» aktsııasyn qoldaıdy

AQTAÝ. QazAqparat - Mańǵystaýlyqtar «Meniń týym - meniń elim» respýblıkalyq aktsııasyn qoldady, dep habarlaıdy QazAqparat.

Aqtaý qalasynyń turǵyndary elimizde bastalǵan «Meniń týym - meniń elim» chellendjin qoldaı otyryp, elimizdiń ulyq merekesi — QR Táýelsizdik kúnine oraı, kópqabatty úılerdiń balkonynda Memlekettik týdy ildi.

Bul bastamany óńirdiń ózge aýdandary qoldady. Túpqaraǵan aýdanynyń turǵyndary da sharǵa belsendi qatysty.

Azamattar turǵyn úıdiń terezesi men balkonyna Memlekettik týdy ilip qoıdy.

«Týymyzdy Otanymyzǵa degen qurmet pen súıispenshiliktiń belgisi retinde ildik. Barsha qazaqstandyqty eń qasıetti meırammen quttyqtaımyz. Elimizdiń kók baıraǵy beıbit aspan astynda jelbireı bersin!», - dep tilek bildirdi turǵyndar.