Mańǵystaýlyqtar Astananyń jańa ataýyn qoldaıdy
Búgin oblys ortalyǵyna 200-ge jýyq jergilikti turǵyn jınalyp, óz tilekterin jetkizdi. Jınalǵandar arasynda jastar, munaıshylar, zııaly qaýym men ardagerler bar. Merekelik sharaǵa mektep oqýshylary men ónerpazdar da atsalysty.
«Elordaǵa Nursultannyń esimin berý - eldi bir arnaǵa uıymdastyra bilgen kóshbasshysyna degen rızashylyǵy dep túsiný kerek», - deıdi olar.
Aktsııaǵa óńirge issaparmen kelgen Nur Otan partııasynyń hatshysy Qanybek Jumashev ta qatysty.
«Elbasy ózi Táýelsizdiktiń alǵashqy jyldaryndy bylaı degen bolatyn: «Eldi bastaý - maǵan syn. Meni qostaý - elge syn!» Mine sodan Tuńǵysh Prezıdent - Elbasy halqymen birge elimizdiń saıası-ekonomıkalyq damýyna atsalysyp, elimizdiń órkendeýine, kórkeıýine úles qosty. Endi el tizginin keleshek urpaqqa, jańa býynǵa tapsyrdy. Bizderdiń maqsatymyz - Qazaqstannyń damýyndaǵy eń asyl qundylyǵymyz - Táýelsizdigimizdi bıik ustaı bilýimiz kerek», - deıdi Nur Otan partııasynyń xatshysy Qanybek Jumashev.
