Mańǵystaýlyqtar 233 myń ret jedel járdem shaqyrǵan
Shuǵyl medıtsınalyq kómek kórsetýdiń eki deńgeıli modelin engizý nátıjesinde patsıentke jetý ýaqyty aıtarlyqtaı qysqarǵan. Bul týraly Óńirlik kommýnıkatsııalar qyzmetinde ótken baspasóz máslıhatynda Mańǵystaý oblystyq jedel járdem stantsııasynyń dırektory Raqymjan Eltaev málim etti.
2019 jyldyń shilde aıynda naýqasqa kelý ýaqyty byltyrǵy jylmen salystyrǵanda 25-ten 18 mınýtqa deıin qysqarǵan.
«Shuǵyl medıtsınalyq kómek kórsetýdiń halyqaralyq standarttaryn engizý jalǵastyryldy. Osylaısha, 2019 jyldyń on aıynda medıtsınalyq kómek kórsetý sapasyn arttyrý parametri - sátti reanımatsııa kórsetkishi 20,9% artty, 2018 jyly ol 15% qurady. 2017 jylmen salystyrǵanda bıylǵy on aıda ólim jaǵdaılary 245 oqıǵaǵa tómendedi», - dedi R.Eltaev.
Júrgizilgen jańǵyrtýdyń taǵy bir nátıjesi sozylmaly aýrýlary bar naýqastarmen emhanalar jumysynyń jaqsarýy. Bul týraly sozylmaly aýrýlardyń asqynýy sebebinen jedel járdemdi shaqyrý jaǵdaılarynyń sanynyń tómendeýi dálel. Jyl basymen salystyrǵanda jeltoqsan aıynyń sońynda mundaı shaqyrtýlar sany 55410 oqıǵaǵa qysqarǵan.
«103 qyzmettiń materıaldyq-tehnıkalyq bazasy kúsheıtildi. 2018 jylmen salystyrǵanda 2019 jyldyń qorytyndysy boıynsha medıtsınalyq jabdyqtarmen qamtý 20% artyp, 70% qurady. 2017-2018 jyldarmen salystyrǵanda GPS-navıgatsııamen jabdyqtaý jaǵdaıy jaqsardy. Kórsetkish 2018 jylmen salystyrǵanda 21,2% artty jáne 2019 jyldyń on aıynyń nátıjesinde 73,2% qurady. Sondaı-aq sanıtarlyq kólikpen qamtamasyz etý artty: bıylǵy on aıdyń qorytyndysy boıynsha ol 75% qurady» - dedi ol.
Sondaı-aq Mańǵystaý oblystyq jedel járdem stantsııasynyń dırektory Raqymjan Eltaev jedel medıtsınalyq qyzmet salasyndaǵy problemaly máselelerdi atady.
Onyń ishinde sanıtarlyq avtokólikterdiń jetkiliksizdigi, brıgadanyń kelý ýaqytyn uzartatyn sapasyz joldar, kóshede jaryq shamdarynyń, kóshe ataýlarynyń, úı nómirleriniń bolmaýy jedel járdem brıgadasynyń jumysyn qıyndatady.
«Páterlerde domofondar jumys istemeıdi. Alys aýdandar, oblys boıynsha ınternettiń joqtyǵy da bir kedergi. Sondaı-aq, júrgizýshiler jol ádebin, erejelerdi saqtamaıdy. Sondyqtan jol-kólik oqıǵalary jıi bolady. Sanıtarlyq avtokóliktiń jetkiliksiz sany (qajettilik 50 birlik) - medıtsınalyq jabdyqtarmen jabdyqtalmaýy (60%) da bar», - deıdi Raqymjan Eltaev.