Mańǵystaýlyq «Jorǵa» bı ansambli halyqaralyq baıqaýdyń bas júldesine ıe boldy
Baıqaýǵa Armenııa, Grýzııa, Reseı, Belarýs elderiniń eń úzdik bı ujymdary qatysqan. Kórermen men qazylar alqasynyń nazaryna usynylǵan 47 bı qoıylymy arasynda «Jorǵa» bı ansambli folklorlyq baǵdarlamasymen top jarǵan.
Atap aıtsaq, mańǵystaýlyq bıshilerdiń sheber oryndaýyndaǵy «Qusbegi» bıi 1-oryndy, «Bastańǵy» bıi gran-prı jáne «Saltanat» bıi sýper gran-prı júldesin alǵan.
«Bul baıqaý osymen 5-ret ótkizilip otyr. Qazylar alqasy quramynda Italııa, Bolgarııa, Reseı elderiniń mamandary boldy. Biz folklorlyq baǵytta ulttyq salt-dástúrimiz ben ádet-ǵurpymyzdy, bozbala men boıjetken arasyndaǵy sezimdi, betashar rásimin bı arqyly kórsettik. Ansambldi daıyndaýda eńbektengen Erlan Mataıbaev, Aınur Sarıeva, Qýandyq Baıanberdıev, Qýandyq Tańatarovqa alǵysym sheksiz. Bul jeńis ujymnyń 25 jyldyǵy aıasynda bıshilerge keremet motıvatsııa boldy», - dedi «Jorǵa» bı ansambiliniń jetekshisi Serik Sarıev.
