Mańǵystaýlyq jastar TMD elderinde taǵlymdamadan ótedi

AQTAÝ. QazAqparat – Mańǵystaý oblysynda «Jastar uıymdarynyń kóshbasshylary úshin TMD elderine taǵlymdamalar» baıqaýynyń qorytyndysy shyǵaryldy. Jeńimpazdar shetelde taǵylymdamadan ótetin bolady. Bul týraly Mańǵystaý oblystyq jastar resýrstyq ortalyǵynan málim etti, dep habarlaıdy QazAqparat tilshisi.

«Baıqaýdyń negizgi maqsaty – óńirdegi jas kóshbasshylardyń sheteldik taǵylymdamadan ótip, tájirıbe almasýyna múmkindik jasaý. Sol arqyly jastardy jetistikke jetýge, ınnovatsııalyq jobalardy júzege asyrýǵa shaqyrý. Aımaq damýyna jáne áleýmettik máselelerdi sheshýge degen yntany arttyrý. Endi mańǵystaýlyq úzdik jastar kúz aılarynda Qyrǵyzstan jáne Grýzııa elderine baryp, olardyń tájirıbesimen tanysady. Sapar barysynda alǵan bilim men jańashyldyqty óz salasyna engizip, jastardyń damýyna arnalǵan jobalardy jandandyrýǵa atsalysady dep senemin», - dedi joba jetekshisi Almaz Jaqsylyq.

Aıta keteıik, tuńǵysh ret qolǵa alynǵan baıqaýǵa ótinim qabyldaý eki aptaǵa jalǵasty. Osy ýaqyt aralyǵynda jastardan 101 ótinim kelip tústi. Onyń ishinde 50 ótinim tehnıkalyq irikteýden ótti. Al komıssııalyq otyrys eki kúnge sozylyp, jeńimpazdar anyqtaldy. Olar: Ulmeken Jarasbaeva, Nursultan Murzabek, Anar Qataeva, Almaz Doşaev, Gúlmaısa Shańbaeva, Nurlan Naraddınov, Danııar Amangeldıev, Gaýhar Shamqulova, Nurlan Qýanyshbaı jáne Aldııar Tóleýov.