Mańǵystaýlyq jastar «Kıeli tabıǵat» ekologııalyq jobasyna qatysty

AQTAÝ. QazAqaparat – Elimizde jastar arasynda ekologııalyq sana men mádenıet deńgeıin arttyrýǵa, qorshaǵan ortaǵa uqypty qaraýǵa, árbir eldi mekende ekologııalyq jaǵdaıdy túzetý maqsatynda «Kıeli tabıǵat» ekologııalyq jobasy bastaý aldy. Osyǵan oraı Mańǵystaýlyq jastar da ekologııalyq jobadan tys qalmady, dep habarlaıdy QazAqparat tilshisi.

Joba aıasynda Mańǵystaý oblysynyń jastary men volonterleri birlesip 14 shaǵyn aýdanda 40-qa jýyq aǵash kóshetin otyrǵyzdy. Sonymen qatar abattandyrý jumystaryn júrgizip, saıabaqtardy kúl-qoqystardan tazartty.

Ekologııalyq joba 15 mamyr kúni jastar jáne volonterler uıymdarynyń qatysýmen barlyq óńirlerde parkter men skverlerdi tazalaý maqsatyndaǵy «Taza parkter» ekologııalyq aktsııasymen jáne 25 mamyr kúni barlyq óńirlerde «Kıeli Tabıǵat» ekologııalyq ploggıng ótkizý sharalarymen jalǵaspaq.

Aıta keteıik, buǵan deıin elimizdiń Aqparat jáne qoǵamdyq damý mınıstri Aıda Balaevanyń «Kıeli tabıǵat» ekologııalyq aktsııasyn bastap bergenin jazǵan bolatynbyz.